Grupi Parlamentar i Partisë Socialiste i është drejtuar me një kërkesë kryetarit të Kuvendit të Shqipërisë, Gramoz Ruçit, ku kërkojnë që të shtohen fakte në Komisionin Hetimor Parlamentar, të ngritur ndaj Presidenti të Republikës, Ilir Meta mbi veprimet e tij mbi zgjedhjet lokale të 30 qershorit.
Mësohet se ditën e nesërme në orën 9:00 do të zhvillohet Konferenca e Kryetarëve, në të cilën do të shqyrtohet dhe kërkesa e deputetëve.
Në kërkesë thuhet se “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij, lidhur me zhvillimin e zgjedhjeve në organet e qeverisjes vendore”.
Sicialistët pretendojnë që;“Presidenti i Republikës, në një kurs përplasjeje të plotë të tij me Kuvendin dhe institucione te tjera kushtetuese, ka vijuar cenimin e Kushtetutës me pasoja të rënda, përmes veprimeve konkrete apo mosveprimeve të qëllimshme, të cilat po i rendisim dhe faktojmë në vijim.
Rrjedhimisht, vlerësojnë të domosdoshme që edhe këto veprime te behën pjesë e vlerësimit nga Kuvendi i Republikës, në kuadër të procedurës se nisur tashmë për shkarkimin e Presidentit të Republikës”.
Në kërkesën drejtuar kryeparlamentarit, grupi i PS-së veçon si çështje për t’u hetuar nga parlamenti edhe dekretimin e Marsida Xhaferllarit si anëtare të Gjykatës Kushtetuese. “Njësoj siç veproi me dekretin e datës 10 qershor 2019, kur në tejkalim të kompetencës kushtetuese, Presidenti anuloi dekretin e tij nr. 10928/2018 për caktimin e datës 30 qershor 2019 si date për zgjedhjet vendore, me dekretimin e Znj. Marsida Xhaferllari, si gjyqtare kushtetuese, Presidenti ka vepruar përtej kompetencës së tij kushtetuese dhe ligjore, duke demonstruar ne mënyrë të përsëritur papërgjegjshmëri institucionale si dhe duke përdorur ne mënyrë abuzive pushtetin qe i ka ngarkuar Kushtetuta”, thuhet në dokument.
Duke u ndalur tek rasti i Arta Vorpsit, grupi parlamentar i PS-së thotë se Presidenti nuk e ka ftuar atë për të bërë ceremoninë e betimit “(kusht për fillimin e detyrës se gjyqtarit kushtetues sipas nenit 129 të Kushtetutës) dhe Presidenti publikisht ka deklaruar se nuk e njeh gjyqtaren kushtetuese në këtë funksion. Në këtë rast, Presidenti po refuzon te zbatoje një detyrim ligjor e kushtetues, që përben një abuzim me pushtetin qe i ka ngarkuar Kushtetuta.)”.
Kërkesa e nënshkruar nga 56 deputetë, rendit edhe shkeljet për dekretimin e zonjës Xhaferllari si gjyqtare kushtetuese:
- 1. është dekretuar një gjyqtar kushtetues në kundërshtim flagrant me kushtetutën dhe ligjin.
- Ne mungese të kompetencës për të emëruar gjyqtarin kushtetues, Presidenti, ne mënyrë të kundërligjshme ka ndërhyrë në një proces kushtetues.
- Presidenti ka ushtruar kompetenca te Këshillit te Emërimit në Drejtesi, duke i veshur vetes atribute te organeve te qeverisjes se sistemit te drejtësisë.
- është cenuar e drejta e subjekteve për te patur një proces të rregullt gjykimi kushtetues, në kushtet kur do të gjykohen nga gjyqtar kushtetues me mandat te paligjshëm.
- është cenuar funksionaliteti i Gjykatës Kushtetuese.
Komisioni hetimor ishte parashikuar të mbyllte punën më 8 dhjetor, por me çështjet e reja duket se do të kapërcehet edhe ky afat./ Opinion.al
