Te Fundit

Gruaja e Ismailajt: Më kërcënon shteti, jo Doshi


Bëhu pjesë e Grupit Zyrtar të Opinion.al
>> KËTU <<
               Publikuar në : 08:07 - 29/09/15 |
b.f

TIRANE- Gruaja e Kastriot Ismailajt ka dhënë një intervistë për Top Channel pas letrës së Spartak Brahos, i cili tha se Tom Doshi ka takuar gruan e Ismailajt dhe i ka ofruar para në këmbin të deklaratës së tij kundër Metës. Me shpinë nga kamera, në mënyrë që të mos identifikohej ajo mbrojti Doshin dhe foli kundër Brahos (si përfaqësues i shtetit).

Pas bërjes publike të lajmit për letrën e kreut të komisionit të sigurisë kombëtare, bashkëshortja e Kastriot Ismailajt ka kërkuar të reagojë duke deklaruar se e njeh Tom Doshin prej shumë vitesh. Ajo pranon se është takuar me deputetin Doshi javën e kaluar, por thotë se nuk ka folur për çështjen e burrit të saj.

 Si quheni?

Vojsava Ismailaj, nënë e një djali dhe martuar me Kastriot Ismailaj prej 17 vjetësh.

Sot është publikuar një letër ku thuhet se jeni kërcënuar, a jeni kërcënuar dhe nga kush?

Vojsava Ismailaj: Është publikuar një letër nga zoti Braho. Unë nuk di të jem kërcënuar nga askush, as nga zoti Doshi, as nga zoti Prifti. Doshin e njoh që para 15 vitesh, e kam takuar, kam pirë kafe dhe asgjë më shumë.

 Kur e keni takuar për herë të fundit Doshin?

Vojsava Ismailaj: Para disa ditësh. Mund të ketë qenë e martë ose e mërkurë.

Ku?

Tek “Sheraton”.

 Për çfarë keni diskutuar?

Vojsava Ismailaj: Në vija të përgjithshme. Bisedë e lirë, kishim kohë pa u takuar dhe thjesht po diskutonim në vija të përgjithshme.

Sa kohë kishit pa e takuar?

Nuk e mbaj mend me saktësi. E kam takuar, jemi përshëndetur, por s’e mbaj mend me saktësi.

Keni diskutuar ndonjëherë për këtë çështje?

Absolutisht fare.

 E kam fjalën për çështjen e bashkëshortit tuaj…

Ka qenë një moment që ai më pyeti çfarë bëhet me Kastriotin. I thash se është në paraburgim dhe kaq, nuk vazhdoi më tej.

E njihni Dritan Priftin?

Vojsava Ismailaj: Jo.

E keni takuar?

Vojsava Ismailaj: Absolutisht jo.

Keni komunikuar ndonjë herë me të?

Vojsava Ismailaj: Absolutisht jo.

 A jeni kërcënuar ndonjëherë gjatë këtyre muajve nga persona të tjerë?

Ka pasur indirekt dhe kërcënimet kanë qenë si shashka. Që do të thotë: Kastrioti të tërhiqet nga arbitrazhi që të lirohet. Ky është kërcënimi që ka ardhur në mënyrë indirekte.

Indirekte nga cilët persona?

Nga persona të panjohur për mua. Anonimë.

 Me mesazh? Si ka ndodhur?

Kur kam qenë duke ecur në rrugët e bllokut kanë qenë personazhe që s’i kam parë dhe janë hedhur shashka të tipit ‘thuaj burrit të tërhiqet nga arbitrazhi, ose…’.

Si e konsideroni këtë letër?

Vojsava Ismailaj: Një presion nga shteti shqiptar. Një mesazh, një kërcënim nga shteti shqiptar.

Për ç’arsye?

Që të heshtim. Të heshtë Kastrioti.

Për ç’arsye duhet të heshtni?

E vërteta e kompanisë DIA, ose e vërteta e arbitrazhit për kompaninë DIA që i takon Kastriot Ismailajt.

KOMENTO (0)

Shkruaj nje koment

    Pas