Gruaja e bosit të kartelit të drogës Joaquin Guzman “El Chapo” tha se ajo nuk e ka parë asnjëherë burrin e saj të bëj dicka të paligjshme ndërkohë që ata kanë qenë së bashku. Ajo gjithashtu tregoi se enderronte një jetë të qetë me familjen e saj, duke përfshirë burrin dhe dy vajzat binjake.
Emma Coronel, mbretëresha e bukurisë së Los Angeles, e lindur në Meksikë, është parë në gjykatën federale në Bruklin në javët e fundit kur burri I saj po përballet në gjykatë me shumë akuza duke përfshirë vrasjet, trafikun e drogës dhe pastrimin e parave.
Kur 29 vjecarja u pyet nga televizioni spanjoll Telemundo të hënën nëse ajo ishte në dijeni të aktivitetit kriminal të të shoqit, ajo tha jo.
“Sigurisht jo, media i ka dhënë kaq shumë famë Joaquinit” tha Coronel. “E kanë bërë kaq të famshëm”.
Madje shtoi se është media që ka ndërtuar imazhin e tij si një trafikant të rëndësishëm droge.
“Ai ishte pozitiv, dhe i qetë. Unë kurr nuk e kam parë aq të qetë”, tha ajo në një intervistë të rrallë 30 minutëshe.
Coronel është kritikuar për festën prej Barby që bëri për binjaket e saj në gusht. “Por unë nuk u shpjegoj asgjë atyre, ato e kanë të qartë situatën. Ato asnjëherë nuk më pyesin: “ku është babi, se dine gjithcka” tha Coronel. “Ato e dinë se ku është i ati. Se cfarë po ndodh. Por janë vajza të qeta dhe të lumtura”.
“Sigurisht, kam ditë të mira, dhe ditë të këqija. Ka ditë ku nuk arrij të ha, më dhemb koka”. Pranon se gazetarët që i rrinë gjithë kohës vërdallë e mërzisin.
Coronel bëri të qartë se nuk ka një llogari në Instagram që ka dalë muajt e fundit me foto dhe video të jetës së saj private. Madje ka folur me investigues privatë që të gjejë burimin e këtyre llogarive.
Guzman u ekstradua në SHBA vitin e kaluar nga Meksika. Coronel tha se nuk ka folur që atëherë me të.
“Po bëj atë që bën cdo grua po të ishte në vendin tim, të mbështesë burrin e saj në kohëra të vështira” tha ajo.
