Aktualitet

Grevistja në Ballsh:Kryemadhi na tha se e ka portofolin bosh, me kë tallet


Bëhu pjesë e Grupit Zyrtar të Opinion.al
>> KËTU <<
               Publikuar në : 12:28 - 19/10/20 |
Opi Nion

Vijon për të pestën ditë radhazi greva e urisë e grave të naftëtarëve në Ballsh. Ato kërkojnë zgjidhje për shlyerjen e pagave të prapambetura si dhe nisjen e punës në uzinë.

Edhe pse prej ditësh në protestë, një nga zonjat ka thënë ditën e sotme për “Abc News” se asnjë reagim nuk kanë marrë për zgjidhjen e kërkesave të tyre, ndërsa akuzon deputetët që kanë “ardhur për t’u tallur”.

Sakaq, një nga zonjat protestuese përmendi kryetaren e LSI, Monika Kryemadhi, e cila sipas saj, ishte shprehur se e ka portofolin bosh.

 “Asnjë reagim nuk kemi, as edhe një telefonatë. Edhe deputetet që vinë, vinë për t’u tallur. Vinë për hallin e tyre. Vjen zonja Monika thotë edhe unë e kam portofolin bosh. Me kë tallet ajo? Me punëtorët? Të priste t’i jepnim ne nga 10 lekë?  Është turp, s’ka më ku të vejë. Tallen me ne. Jemi nëna, jemi familjare. Kemi 5 ditë dergjemi këtu, i kemi lënë njerëzit të sëmurë brenda. Në s’jemi as deputete, as ministre, e as drejtoresha. Ne jemi punëtore të thjeshta edhe po kërkojmë bukën e fëmijëve” ka thënë grevistja.

Greva po vijon prej 22-ditësh. Fillimisht  nisi nga dhjetëra naftëtarë, më pas në ditën e 18 për shkak të problemeve shëndetësore dolën nga greva burra dhe kauza filloi të ndiqet nga gratë naftëtare./ Opinion.al

Pas