Është përkeqësuar situata e zjarreve në Greqi. Prej disa ditësh zjarret në shtetin fqinj kanë djegur sipërfaqe të mëdha pyjore, ndërsa mijëra banorë dhe turist janë evakuuar nga zonat e rrezikut.
Në Rovie, banorët dhe turistët janë mbledhur të gjithë në plazh në mënyrë që tu shmangen flakëve dhe të më pas të marrin ndihmën e autoriteteve.
Flakët janë prezente edhe gjatë rrugës nga Lake për në Rovies duke detyruar policinë që të bllokojë qarkullimin në mënyrë që të mos rrezikohen njerëzit.
Ndërkohë, zjarrfikësit janë duke u munduar të shuajnë flakët nga oborret e shtëpive dhe po përpiqen të shpëtojnë banesat.
Sipas raportimeve më shumë se 20 zjarrfikëse janë rreshtuar në rrugën kryesore në Rovies, duke krijuar një zonë mbrojtëse për shtëpitë.
“I lutemi shtetit për përforcim të menjëhershëm të forcave tokësore dhe ajrore në mënyrë që të mos mbajmë zi për njerëzit” , u shpreh për mediat kryetari i Limni -t , George Tsapourniotis./ Opinion.al
