Shpaloset flamuri i Vorio Epirit në ndeshjen Greqi-Mali i Zi. Kjo ka ndodhur në momentin kur luhej himni grek, në stadiumin “Karaiskaqi”.
Sipas mediave greke, që kanë raportuar incidentin, pjesëtarë të organizatës nacionaliste “Epiri i Veriut 1914” që ishin të pranishëm, kanë hapur një flamur të Epirit të Veriut.
Ky flamur propagandistik, është i ndaluar në ambiente të tilla sportive.
Sakaq, Federata shqiptare e Futbollit ka reaguar duke shprehur indinjatën “më të thellë për shfaqjen e simboleve ekstremiste nacionaliste gjatë ndeshjes Greqi Mali i Zi, në stadiumin “Karaiskaqi” të Athinës, me datë 24 mars”.
Ne nje reagim per shtyp, thuhet se “shpalosja e një flamuri gjigand në stadiumin ku u zhvillua ndeshja, që evokon një frymë të hapur urrejtje dhe nacionaliste, nuk perfaqëson thjesht një grup tifozesh ekstremiste por dhe një mungesë të patolerueshme në organizimin dhe administrimin e ndeshjes nga ana e vendit pritës.
Keto episode, nuk kanë lidhje me futbollin dhe shkelin rëndë rregullat FIFAs, të pranuara nga të gjithë.
Federata Shqiptare e Futbollit, njofton opinionin dhe median, se po përgatit një ankesë e cila do t’ju drejtohet komisioneve përkatëse të FIFAs, të cilat duhet të mbajnë qëndrim për këtë rast, që nxit nacionalizmin dhe s’ka asnjë lidhje me frymën e “Fair Play”.
Kjo ankesë do tju dorëzohet menjëherë, organizmave përkatëse”, mbyllet deklarata e FSHF.
