Karabinierët e Livornos, që nga orët e para të mëngjesit të sotëm kanë ekzekutuar 11 urdhër-arreste me burg në provincat e Nuoros, Pizës dhe Bolonjës kundër individëve, të gjithë me origjinë nga Sardenja. Siç raportojnë mediat në Itali, personat i përkasin moshë 33 deri 54 vjeç, të cilët besohet se janë përgjegjës për sulmin ndaj dy furgonëve të blinduar që ndodhi më 28 mars.
Konkretisht, sulmi ndodhi në mes të ditës në rrugën SS1 Aureliak, në komunën e San Vincenzos dhe “komandot” e armatosur ia dolën të grabisin 3 milionë euro dhe t’ia mbathin.
Të arrestuarit akuzohen për grabitje të rëndë, posedim dhe mbajtje në një vend publik të armëve të ndryshme luftarake, municioneve luftarake, eksplozivëve dhe armëve të zjarrit të zakonshme, si dhe vjedhje të rëndë dhe pranim të mallrave të vjedhura.
Hetimet lejuan të përcaktoheshin marrëdhëniet dhe aktivitetet përkatëse të kryera nga të dyshuarit, të cilët rezultuan të ishin ekspertë në përdorimin e armëve dhe eksplozivëve, me aktivitete përgatitore disa mujore dhe gjetjen e automjeteve, të përdorura për të bllokuar furgonët e transportit të parave.
Në operacionin e shpejtë të karabinierëve të Livornos, të mbështetur nga forca territoriale kompetente dhe Grupi i Ndërhyrjes Speciale, morën pjesë gjithsej mbi 300 karabinierë.
