Kronikë

Grabitje në Korçë, plagoset dhe arrestohet një nga autorët


Bëhu pjesë e Grupit Zyrtar të Opinion.al
>> KËTU <<
               Publikuar në : 07:44 - 11/01/21 |
Opi Nion

Një grabitje është regjistruar në orët e para të mëngjesit të sotëm në Korçë. Mësohet se ngjarja ka ndodhur në lagjen numër 1 të qytetit të Korçës, ndërsa pre e grabitjes ka rënë banesa e një kambisti.

Sipas të dhënave, në momentin e grabitjes, tre autorët të maskuar dhe me armë janë përleshur edhe me pronarin e banesës duke e lënë të plagosur.

Po ashtu, njëri prej grabitësve u lëndua gjatë përleshjes dhe Policia arriti që ta arrestoj, ndërsa dy të tjerët mundën të largohen bashkë me sasinë e konsiderueshme të parave.

Bëhet me dije se pronari i banesë aktualisht ndodhet jashtë rrezikut për jetën. Ndërkohë, deri më tani nuk dihet ende shuma e grabitur. Forcat e policisë kanë shkuar në vendngjarje dhe po punojnë për identifikimin dhe arrestimin e autorëve.

Njoftimi i Policisë

Korçë-Më datë 11.01.2021, rreth orës 06:10, në lagjen nr. 1, në rrugën e “Bilbilave”, Korçë, tre persona dyshohet se nën kërcënimin e armës i kanë vjedhur me dhunë shtetasit Sh. M., me profesion kambist, një sasi lekësh para banesës së tij.

Reagimi i menjëhershëm i Policisë, bëri të mundur ndalimin e njërit prej autorëve të dyshuar të ngjarjes, i cili ndodhet aktualisht për ndihmë mjekësore në Spitalin e Korçës, pasi ka marrë lëndime gjatë përplasjes fizike me kambistin dhe forcat e policisë, ku ka tentuar të shmangë kapjen nga ana e tyre.

Ndërsa po punohet për identifikimin dhe kapjen e autorëve të tjerë, të cilët kanë mundur të largohen me shpejtësi nga vendngjarja me një automjet.

Nga ana e Policisë janë ngritur pika kontrolli, po bëhet krehja e zonës si edhe po kryhen veprime të tjera hetimore, të cilat do të ndihmojnë në zbardhjen e sqarimin e plotë të rrethanave të ngjarjes./ Opinion.al

Pas