Policia e Korçës ka shoqëruar një tjetër person i cili dyshohet se është një nga autorët e grabitjes së ndodhur mëngjesin e sotëm në lagjen numër 1 të këtij qyteti.
Pre e grabitjes ishte banesa e kampistit Shefqet Muço, ku tre persona u futën në banesë dhe arritën të merrnin një sasi të konsiderueshme parash.
Gjatë grabitjes autorët janë përleshur me pronarin e banesës, i cili mbeti i lënduar. Po ashtu, gjatë përleshjes u plagos dhe një nga autorët i cili më pas u arrestua nga policia, ndërsa dy të tjerët arritën të largoheshin me sasinë e parave të vjedhura.
Por, tashmë njëri prej dy grabitësve që larguan më herët është kapur nga efektivët e policisë./ Opinion.al
