Katër shqiptarë janë identifikuar se autorë të grabitjeve të Zinedine Zidane, Isco, Casemiro, Morata dhe Vasquez. Banda e tyre është arrestuar nga policia e cila bën me dije se objektivi i tyre ishin shtëpive të yjeve të Realit të Madrid dhe Atleticos.
Njëri nga anëtarët i identifikuar me inicialet M.Z ka qenë i arrestuar më parë në vitin 2007 për grabitjen në rezidencën e biznesmenit dhe aktorit spanjoll, José Luis Moreno.
Krahas 4 të arrestuarve, në kërkim është shpallur edhe një person tjetër. Në sendet e vjedhura që u sekuestruan u gjetën medalja e Champions-it e lojtarit të Atletico Madrid, Thomas Partey, një sasi e madhe e bizhuterive të vjedhura dhe 10 mijë euro cash.
Vjedhjet kryheshin ditët kur skuadrat kishin ndeshje të rëndësishme. Grabitësit përdornin makina të vjedhura, që u ndërronin targat, përdornin pajisje transmetimi dhe maskoheshin, në mënyrë që të mos pikaseshin nga kamerat e shumta të sigurisë.
Mediat spanjolle bëjnë me dije se qershorin e kaluar, banda e shqiptarëve ka vjedhur shtëpinë e futbollistit Alvaro Morata teksa ai ishte në shtëpi në bashkëshorten e tij dhe dy fëmijët. Ndërsa shtëpia e Zidane dhe Isco është vjedhur në të njëjtën ditë. Ditën e derbit të Madridit është grabitur shtëpia e Casemiros.
Tashmë, personat e arrestuar priten të dalin përpara drejtësisë ku do të njihen me dënimin e gjykatës për vjedhjet e kryera. /Opinion.al
