Aktualitet

Grabitën një dyqan në Shkodër/ Arrestohet 19-vjeçari, procedohet bashkëpunëtori i tij



Bëhu pjesë e Grupit Zyrtar të Opinion.al
>> KËTU <<
               Publikuar në : 16:03 - 09/12/22 |
Opi Nion

Një 19 vjeçar është arrestuar nga policia e Shkodrës si autor i vjedhjes së një servisi celularësh në qytet, më 6 dhjetor të këtij viti.

Sipas policisë, në pranga ka rënë i riu me iniciale Xh.B,  ndërsa është proceduar penalisht edhe një 17-vjeçar, i cili akuzohet si bashkëpunëtor në ngjarje.

Sipas policisë, dy të rinjtë në bashkëpunim me njëri-tjetrin, hynë me forcë brenda një biznesi, servisi celularësh në lagjen “Vojo Kushi”, në Shkodër, duke vjedhur pajisje elektronike.

Gjatë operacionit për kapjen e tyre, policia zhvilloi kontrolle në banesat e të rinjve.

Efektivët e policisë gjetën në banesat e të rinjve, 9 aparate celulare të markave të ndryshme, pajisje të tjera elektronike, një pistoletë manovër, si dhe një sasi lënde narkotike kanabis, e ndarë në doza.

Sakaq, vijojnë veprimet hetimore për zbardhjen e vjedhjeve të tjera, të kryera nga këta shtetas, ndërsa, materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.

Pas