TIRANË-“Pavarësisht parregullësive, kuadri ligjor mund të ofronte bazën për zgjedhje demokratike. Partitë kryesore keqpërdorën shtrirjen e pushtetit brenda administratës zgjedhore dhe mungoi vullneti politik për ta zbatuar atë efektivisht”.
Kështu është shprehur shefja e misionit të vëzhguesve ndërkombëtarë për zgjedhjet lokale të 2015-s, Audrey Glover, gjatë fjalës së saj në Komitetin e Jashtëm të Parlamentit Europian. Ndër të tjera duke bërë një përmbledhje të konkluzioneve të zgjedhjeve Glover tha se “është interesant fakti se si PS, PD dhe LSI deklarojnë se kanë vullnet dhe janë të gatshëm për të zbatuar rekomandimet, por shumë prej këtyre rekomandimeve (raportet e zgjedhjeve të kaluara) nuk janë zbatuar deri më sot”.
Tre janë rekomandimet kryesore për zgjedhjet e 2017:
1 – zbatim i rekomandimeve në përgjithësi e veçanërisht ato më të përsëriturat në raport
2 – të bëhen ndryshimet e nevojshme ligjore të paktën një vit përpara zgjedhjeve të 2017, në mënyrë që elektorati të njihet me normat e reja në kohë
3- reforma në drejtësi
