Gjykata e Tiranës ka njohur zyrtarisht dhe regjistruar statutin e Kuvendit të Partisë Demokratike të 11 Dhjetorit 2021 të Komisionit të Rithemelimit.
Përfaqësuesi ligjor dhe anëtari i Komisionit të Rithemelimit të PD, Ivi Kaso, i pyetur nga gazetarët se çfarë ndodh nëse Gjykata vendos për ndryshimet statutore të 18 Dhjetorit tha:
“Në vendimmarrjet e rëndësishme të datës 11 Dhjetor, një nga vendimet në një pikë të rëndësishme të tij ka anulimin e thirrjes së Kuvendit të datës 18 Dhjetor si i thirrur në mënyrë të paligjshme nga një kryesi e cila në momentin që ka bërë këtë thirrje ishte e pakonstituuar. Dhe ky vendim tashmë është regjistruar praktikisht në regjistrin e partive politike dhe anulimi i thirrjes së Kuvendit të datës 11 Dhjetor. Pra ligjërisht nuk ka një Kuvend të thirrur në mënyrë të ligjshme në datën 18 Dhjetor”.
