Në një dalje për mediat, kryetari i Partisë Demokratike, Lulzim Basha ka komentuar debatin i cili po zhvillohet mes Presidencës dhe Qeverisë në lidhje me ngritjen e Gjykatës Kushtetuese.
Basha është shprehur se kryeministri Edi Rama synon kapjen e Gjykatës Kushtetuese, ndërsa shton se e vetmja zgjidhje për të dalë nga kjo krizë janë zgjedhjet e parakohshme.
“Ka një rrugëdalje nga ky batak Surreli, kthimi në ligjshmëri duke nisur me rikthimin e zgjedhjeve të pandikuara nga krimi. Zgjidhja është rruga që po merr fqinji ynë Maqedonia e veriut drejt zgjedhjeve të parakohshme,”-tha Basha./ Opinion.al
