Ministria e Jashtme greke ka reaguar ashpër ndaj refuzimit të kërkesës së kryetarit të zgjedhur të Bashkisë së Himarës, Fredi Beleri për dhënien e një leje të posaçme daljeje nga burgu dhe pjesëmarrjes në betim në mbledhjen e parë të Këshillit Bashkiak të këtij qyteti.
Në njoftimin e Ministrisë thuhet se tashmë është e qartë se autoritetet shqiptare duan t’i heqin Belerit këtë detyrë.
“Kërkesa e kryebashkiakut të zgjedhur të Himarës, Fredi Beleris, për të marrë një leje të posaçme, në mënyrë që të jetë pjesëmarrës nesër në mbledhjen e parë të Këshillit të ri Bashkiak, si dhe të bëjë betimin dhe të marrë zyrtarisht detyrën, u rrëzua sot.
Ky refuzim tregon tani, pa asnjë dyshim, se qëllimi i autoriteteve shqiptare është ta privojnë atë, pa një dënim përfundimtar dhe pa u akuzuar, nga detyra e kryetarit të Bashkisë, në të cilën ai u zgjodh në mënyrë demokratike nga qytetarët e zonës. Si kandidate për anëtarësim në familjen europiane, Shqipëria duhet të respektojë shtetin e së drejtës dhe të drejtën e pafajësisë deri në zhvillimin e gjyqit”, thuhet në njoftim./Opinion.al
Ανακοίνωση Υπ. Εξωτερικών σχετικά με απόρριψη αιτήματος εκλεγμένου Δημάρχου Χειμάρρας κ. Μπελέρη για παροχή ειδικής άδειας εξόδου προκειμένου να παραβρεθεί και να ορκισθεί στην πρώτη συνεδρίαση του Δημοτικού Συμβουλίου Χειμάρρας
Διαβάστε ➡️https://t.co/rBRdNTNuDg pic.twitter.com/QaEuSmv6Zo
— Υπουργείο Εξωτερικών (@GreeceMFA) June 26, 2023
