Vijojnë të jenë aktive disa vatra zjarri në qarkun e Gjirokastrës. Mësohet se në zonën e Lunxherisë janë riaktivizuar disa vatëra zjarri të cilat më herët u vunë nënkontroll nga autoritetet.
Flakët kanë përfshirë një sipërfaqe në fshatrat Taraneqishtë dhe Saraqenishtë. Sipas raportimeve zjarri po përparon me shpejtësi ndihmuar edhe nga era e fuqishme që fryn në zonë.
Forcat zjarrfikëse po ndihmohen edhe nga banorët, të cilët me mjete rrethanore po bëjnë përpjekjet e tyre për shuarjen e zjarrit. Zjarri ka përfshirë kodrat e fshtatrave dhe izolimi i tij është i vështirë.
Fatmirësisht nuk ka banesa pranë vatrave të zjarrit. Në terren janë më shumë se 150 forca për të vënë nën kontroll vatrat aktive në këtë qark.
