Gjykata e Apelit në Gjirokastër ka liruar nga burgu Et’hem dhe Dino Muhajn të akuzuar për vrasjen e Alket Muhajt në 6 shtator të vitit 2018.
Sipas ABC news masa e arrestit është dhënë nga Apeli i Gjirokastrës pas 2.5 vitesh nga ngjarja e rëndë.
Babë e bir janë lënë në arrest shtëpie ditën e sotme duke dalë nga paraburgimi pas 2.5 vitesh.
Në Gjykatën e Apelit u shqyrtua kërkesa e avokatit Tahir Novi me arsyetimin e humbjes së fuqisë së paraburgimit për të pandehurit pasi procesi gjyqësor është zvarritur për një periudhe 2.5 vjeçare duke kaluar afatet ligjore.
Sipas Gjykatës së Apelit pretendimi i palës mbrojtëse ishte i bazuar në ligj. Procesi gjyqësor zgjati 2.5 vjet dhe për këtë shkak dy personat e akuzuar duhet te mos qendronin më në paraburgim./Opinion.al
