Bashkëkryetari në tryezën për reformën zgjedhore, Damian Gjiknuri, ka zhvilluar një takim në selinë e Kuvendit me përfaqësuesit e OSBE-së.
Përmes një statusi në rrjetin social “Facebook”, Gjiknuri bën me dije se në takim u diskutua në lidhje me rifillimin e punës së komisionit për reformën zgjedhore me synim adresimin në ligjin elektoral të rekomandimeve të OSBE/ODIHR.
“Pata kënaqësi të takoja sot përfaqësuesit e zyrës së OSBE-së në Shqipëri me të cilët diskutuam mbi procesin e reformës zgjedhore, rifillimin e punës në Komisionin e Posaçëm Parlamentar me synim adresimin në ligjin elektoral të rekomandimeve të OSBE/ODIHR dhe vendimeve të Gjykatës Kushtetuese. I falenderova për mbështetjen e deritanishme dhe për gatishmërinë për të vazhduar këtë angazhim edhe më tej, përmes ekspertizës më të mirë nga ODIHR, e cila do të ndihmojë komisionin për të arritur zgjidhjet e duhura teknike në funksion të adresimit të plotë të rekomandimeve”, shkruan Gjiknuri në facebook.
