Kryesore

Gjiknuri dhe Hajdari mbajnë ende në lojë çështjen e sistemit zgjedhor


Bëhu pjesë e Grupit Zyrtar të Opinion.al
>> KËTU <<
               Publikuar në : 21:46 - 05/06/20 |
Al Do

Këshilli Politik për Reformën Zgjedhore arriti sot në një konsensus mbi ndryshimet në Kodin Zgjedhor që do të adresojnë rekomandimet e OSBE/ODIHR-it.

Pika e fundit që palët kishin ngecur ishte ajo e administrimit zgjedhor i cili u vendos të lihet ashtu siç është aktualisht për zgjedhjet e ardhshme parlamentare. Megjithatë një çështje me interes në këtë tryezë ishte dhe ajo për ndryshimin e sistemit zgjedhor.

Ndonëse nuk ishte në rekomandimet e ODIHR-it, çështja e sistemit zgjedhor u kërkua fort nga deputetja Rudina Hajdari ka deklaruar se që kjo të quhet reformë duhet që sistemi të ndryshojë.

Ditët e fundit është diskutuar propozimi për sistemin zgjedhor danez, por mbrëmjen e sotme marrëveshja e arritur mes palëve për draftin që do të shkojë në Kuvend nuk e përfshin ndryshimin e sistemit.

Por kjo duket se nuk është një cëshjte e mbyllur. Gjatë fjalës së tij në fund të takimit, deputeti Damian Gjiknuri tha se Këshilli Politik ende nuk e ka mbyllur punën e tij

Këshilli Politik do të vazhdojë të miratojë draftet dhe të trajtojë edhe çështjet e tjera, si sistemi zgjedhor, ligji për referendumet, dhe për financimin e partive politike”, tha Gjiknuri i cili më parë ka deklaruar se mazhoranca është e hapur ta diskutojë sistemin në një moment të dytë pas adresimit të rekomandimeve të ODIHR-it.

Mbajtjen në lojë të diskutimit për ndryshimin e sistemit e konfirmoi edhe deputetja Rudina Hajdari.

Unë mora garancinë nga SHBA dhe nga delegacioni i BE se bisedimi për ndryshimin e sistemit do të vazhdojë. Do të flasim jo vetëm për listat e hapura por edhe për ligjin e referendumit. Vota e diasporës është gjithashtu shumë e rëndësishme. Këto tre çështje duhet të ecin përpara.”, tha Rudina Hajdari. /Opinion.al

Pas