Zyra federale e drejtësisë në Gjermanisë ka filluar procedurat për të gjobitur Twitter, pasi akuzon kompaninë e mediave sociale për përmbajtje “të paligjshme” të publikuar në shumë raste.
“Disa raste të përmbajtjes të publikuara në Twitter, të cilat autoriteti i konsideron të paligjshme, nuk janë fshirë ose bllokuar brenda periudhave të përcaktuara me ligj, pavarësisht ankesave të përdoruesve”, thuhet në deklaratë.
Zyrtarët bëjnë me dije se aplikacioni nuk ka marrë parasysh as ankesat e bëra nga vetë përdoruesit e Twitter, duke zgjedhur të heshtë.
Autoriteti gjerman nuk specifikoi shembuj të përmbajtjes së paligjshme të së cilës i referohej, por tha se tani i kishte dhënë Twitter-it mundësinë për t’iu përgjigjur akuzave përpara se të vendoste nëse do ta referonte çështjen në një gjykatë të qarkut në Bon.
Aplikacioni Twitter është vënë nën vëzhgim nga Berlini, veçanërisht që nga marrja e pushtetit nga miliarderi Elon Musk. Në dhjetor, një zyrtar i lartë gjerman bëri thirrje që kompania të vihej nën mbikëqyrjen e drejtpërdrejtë të Komisionit Evropian./Opinion.al
