Egjipti ka ndërtuar një xhami në Qendrën më të re Kulturore Islame, por është kritikuar gjerësisht për kostot e shpenzuar në të.
Qeveria ka ndërtuar një ‘qytet të ri’ në shkretëtirë, në përpjekje për t’i larguar njerëzit nga Kajroja e mbipopulluar. Por zbulimi i qendrës së re dhe xhamisë u kritikua në rrjetet sociale, pasi u ndërtua në një kohë kur Egjipti po lufton me rritjen e çmimeve.
Qendra më e re Kulturore Islame e ndërtuar rreth 45 km në lindje të Kajros, përfshin gjithashtu Xhaminë e Madhe, e cila mbulon më shumë se 19,000 m2 dhe është e aftë të presë 107,000 besimtarë.
Ndërtimi i xhamisë kushtoi 800 milionë paund egjiptian (25.9 milionë dollarë; 20.7 milionë £) dhe rednitet si xhamia e dytë më e madhe në Afrikë.
Ceremonia e hapjes u ndoq nga Presidenti Abdul Fattah al-Sisi, me mediat shtetërore që e përshkruan atë si “madhështi” e Egjiptit. Por në rrjetet sociale pati kritika të ashpra.
Egjipti po përballet me një krizë ekonomike të thelluar. Monedha e saj ka humbur gjysmën e vlerës së saj kundrejt dollarit gjatë vitit të kaluar, duke bërë që inflacioni të arrijë nivelin më të lartë në pesë vjet.Vendi gjithashtu ka shitur asete shtetërore tek investitorët e huaj për të ndihmuar në mbylljen e një deficiti buxhetor në rritje.
Shumë njerëz kanë reaguar në Twitter dhe Facebook duke kritikuar shpenzimet e tepërta në vendet fetare në këtë kohë krize, ndërkohë ku miliona egjiptianë luftojnë çdo ditë për të vënë ushqimin në tryezën e tyre.
“Shpenzim i tepruar, çmenduri dhe humbje parash. Shiteni këtë llambadar dhe të gjithë xhaminë nëse kjo do të ndihmojë në zgjidhjen e problemit”, shkruan një qytetar.
Xhamia e ndërtuar po njihet për thyerjen e tre rekordeve botërore, duke përfshirë foltoren më të lartë në botë, me lartësi 16.6 m dhe të punuar me dorë nga llojet më të mira të drurit, me një llambadar e cila supozohet të jetë më e rënda në botë me 24,300 kg dhe më e madhja, me një diametër prej 22 m./Opinion.al
