Kremlini e ka quajtur “të papranueshëm” përshkrimin e presidentit amerikan Joe Biden për veprimet e Rusisë në Ukrainë si gjenocid.
Më herët, Biden është shprehur se kishte prova të akteve gjenocidale nga trupat ruse në Ukrainë.
Kjo ishte hera e parë që ai përdori fjalën gjenocid, i përcaktuar sipas ligjit ndërkombëtar si një shfarosje masive e një grupi të caktuar njerëzish, në lidhje me konfliktin në Ukrainë.
Kremlini ka thënë se nuk pajtohet kategorikisht me presidentin amerikan.
“Ne e konsiderojmë këtë lloj përpjekjeje për të shtrembëruar situatën të papranueshme,”-tha zëdhënësi i Kremlinit Dmitry Peskov.
“Kjo vështirë se është e pranueshme nga një president i Shteteve të Bashkuara”, u shpreh ai./Opinion.al
