Një 59-vjeçar është gjetur pa shenja jete në banesën e tij në Babrru. Sipas uniformave blu, shtetasi me inicialet Sh.Z., 59 vjeç u gjet i vdekur në banesë, nga mbesa e tij.
Mësohet se burri është gjetur sot rreth orës 13:45, në banesën e tij ku jetonte i vetëm.
Sipas policisë, 59-vjeçari dyshohet se ka humbur jetën nga shkaqe natyrore.
“Më datë 04.01.2022, rreth orës 13:45, në Babrru, në banesë, është gjetur nga mbesa e tij, pa shenja jete shtetasi Sh. Z., 59 vjeç, i cili jetonte i vetëm.
Nga këqyrja paraprake nuk janë konstatuar shenja dhune dhe dyshohet se vdekja mund të jetë shkaktuar nga shkaqe natyrore.
Grupi hetimor ndodhet në vendngjarje dhe po punon për sqarimin e rrethanave të ngjarjes”-njofton policia./Opinion.al
