Tre episodet e para të dokumentarit të Harry dhe Meghan që u publikuan në Netflix vetëm pak ditë më parë, kanë ngjallur shumë polemika në mbarë botën. Në trailerin e fundit të serialit, princi Harry ka sulmuar familjen mbretërore.
“Ata ishin të lumtur që gënjyen për të mbrojtur vëllain tim dhe nuk ishin kurrë të gatshëm për të na mbrojtur ne”, ka deklaruar Princi Harry por pa specifikuar se kush ishin “ata”, apo kontekstin në të cilin po mbrohej Princi William.
“Pyes veten se çfarë do të kishte ndodhur me ne nëse nuk do të dilnim kur dolëm?” thotë Princi Harry, i cili tani jeton me Meghan në Kaliforni.
Në fillim çifti tregon arsyet e largimit nga detyrat mbretërore.
“Nuk po më hidhnin tek ujqërit, po më ushqenin ujqër”, thotë Meghan.
Buckingham Palace nuk ka komentuar ende për serialin e Netflix dhe deri më tani nuk i është përgjigjur këtyre deklaratave të fundit.
“Unë thashë: Duhet të ikim nga këtu’,” thotë Princi Harry në tre episodet e fundit që do të publikohen të enjten.
Meghan flet për shqetësimet e sigurisë dhe një klip tregon Princin Harry duke thënë se ata ishin në një “fluturim lirie”, duke treguar se ky ishte ishte largimi i tyre nga presioni që ndjenin në Mbretërinë e Bashkuar.
Pas kaq shumë zhurme, tre episodet e para tërhoqën komente të përziera në të dy anët e Atlantikut, me pyetje se sa nga informacionet ishin të reja.
Shifrat e audiencës në Mbretërinë e Bashkuar në ditën e lançimit të pjesës së parë të serialit treguan se 2.4 milionë panë pjesën e parë, episodi i dytë kishte 1.5 milionë shikues në ditën e parë dhe pjesa e tretë tërhoqi 800,000. Këto ishin shifra më të larta të audiencës sesa për The Crown.
