Inxhineri Naskë Afezolli, ka shpjeguar në emisionin “Opinion” tratativat e Shqipërisë për të mundësuar kalimin e gazsjellësit TAP në territorin tonë.
Një nga iniciatorët dhe negociuesit e projektit, Afezolli tha se vendi ynë konkurronte me dy alternativa të fuqishme lobuese për të drejtuar linjën nga Azerbajxhani. Ishte fjala për kalimin e gazit në linjën Turqi-Greqi dhe alternativën tjetër në linjën Nabuço.
“Nabuço që ishte një version më i gjatë, por aksionerët e Nabuço ishin firma të fuqishme”, u shpreh Afezolli.
I pyetur përse u zgjodh TAP, ai u shpreh:
“Ne kemi marr pjesë në dhjetra, për të mos thënë në qindra konferenca, të tre konkurrentët. Faktikisht që të fitonte TAP ishte e pamundur nëse nuk do bënim gërshetimin e një lobimi gjeo-politik dhe argument ishte që ishte rruga me shkurtër, që kursenim 300 milion euro. Por konkurenët nuk I kishin problem 300 milion euro, vetëm të mos kalonte nga Shqipëria.
Deri në fund nga qeveria italiane nuk pranohej që TAP mund të ishte një interkonektor i komunitetit europian edhe pse rregullorja ishte, që po të ishin dy shtete të Komunitetit europian, projekti quhej i Komunitetit Europian. Kalimi i Italisë si një interkoneksion europian, i dha rëndësi TAP-it”./Opinion.al
