Gazetarja e rrjetit investigativ BIRN, Aleksandra Bogdani, të mërkurën, deklaroi se kompania Dh.Albania në Shqipëri ka bërë tre veprime; i pari është regjistrimi në fund të korrikut, i dyti zhvendosja e kompanisë më zyra tek Aba Center dhe veprimi i tretë, të cilin e konsideroi një gabim diletant është edhe regjistrimi i adresës, pra i një nipti sekondar tek kantieri i punimeve.
Bogdani tha se ky gabim është kryer në të tillë formë pasi është një detyrim dhe për të bërë këtë veprim, pra vendosjen e tabelës së punimeve, veprimi është kryer nga një punonjëse e “Gener2” e autorizuar nga Avdjol Dobi, përfaqësuesi në Shqipëri i kompanisë dhe në momentin e aplikimit nuk është shkruar kompania Dh.Albania, por “Gener2”.
Sipas saj, pyetja që shtrohet në këtë pikë është se çfarë duan dokumentet e kompanisë “Gener2”, pra pse duhet të aplikonte për një nipt sekondar kjo kompani për DH.Albania.
