Aktualitet

Gazetari filmon grabitjen e argjendarisë, pronarja përtokë kërkon ndihmë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:27 - 29/04/21 |
Opi Nion

Grabitja e argjendarisë e regjistruar ditën e sotme në Vlorë është arritur të filmohet e gjitha në kohë reale nga një gazetar.

Pamjet e siguruara nga Enrik Mehmeti për News24 tregojnë se si pronarja e argjendarisë dhe një person që gjendej aty për të blerë, bashkë me fëmijën e tij, janë shtrirë përtokë, ndërsa janë të terrorizuar.

Nga ana tjetër autori ndodhet në pjesën tjetër të dyqanit duke mbushur çantën me florinj, teksa dëgjohet gazetari duke raportuar nga vendi i ngjarjes, ndërkohë që grabitja ndodhte.

Pak çaste më vonë, shihet autori, me një kapuç në kokë, teksa ecën me vrap jashtë me një çantë me florinj në duar, ndërkohë që dëgjohen disa të shtëna me armë.

Autori është larguar me vrapë nëpër lagjet e qytetit të Vlorës teksa është ndjekur pas nga pronarja e argjendarisë. Vetëm pak metra më larg vendit të ngjarjes policia ka arritur ta neutralizojë dhe gruaja ka marrë mbrapshtë florinjtë e grabitur./Opinion.al

Pas