Gazmend Braka i njohur me emrin Gaxhai vazhdon rrëfimin e tij.”Ne nuk jemi killera. Nuk e fusim veten në kategorinë e personave që vriten për lekë. Ne u vramë si puna e kaposhit. Ishim 20-vjeëarë dhe nuk i mendonim mirë gjërat”.
Gazmend të gjithë të njohin si “i forti i Vlorës” dhe person i rrezikshëm, si ndihesh aktualisht?
Në ato kohë është e vërtetë që ashtu na njihnin. Por duhet të kuptojmë një gjë. Të fortët dhe të rrezikshmit janë jashtë. Ah ne! Ne që ndodhemi sot duke vuajtur dënimin me burgim të përjetshëm them me plot bindje se jemi viktima. Nuk do shumë për të kuptuar. Ne jemi viktima të politikës së mbrapshtë të vitit 1997. Tani kur e mendoj dhe e analizoj nxjerr këtë rezultat.
Ndiheni të përdorur nga politikanët?
Bëj përgjegjës të gjithë politikanët për këtë problem. Ne jemi dënuar për krimet që kemi kryer. Por kjo s’do të thotë se duhet të qëndrojmë përjetë në qeli. Pushtetarët duhet të bëjnë një ligj të veçantë për’97. Ne ishim të vegjël, na kapi ajo valë. Armët nuk i kishim në banesa. Ato na i dha vetë politika e cila lejoi ardhjen e atyre trazirave./Intervistuar nga Alma Çuka,Shekulli.
