Në një event në Dallas ish-Presidenti i SHBA George W Bush ka dënuar sulmet ushtarake të Rusisë në Ukrainë.
Por, gjatë fjalimit të tij Bush kaloi dhe një moment të sikletshëm, pasi ngatërroi Ukrainën me Irakun.
“Rezultati është mungesa e kontrolleve dhe ekuilibrave në Rusi dhe vendimi i një njeriu për të nisur një pushtim tërësisht të pajustifikuar dhe brutal të Irakut”. Ai e korrigjoi shumë shpejt duke thënë “E kam fjalën për Ukrainën”,-tha Bush.
Bush urdhëroi pushtimin e Irakut në 2003 për të gjetur dhe shkatërruar armët e pretenduara të shkatërrimit në masë që nuk u gjetën kurrë. Konflikti i zgjatur shkaktoi qindra mijëra viktima dhe zhvendosi shumë të tjerë.
