Partia Demokratike ka refuzuar ftesën e bërë nga Kuvendi në lidhje me Komisionin e riformatuar të Reformës Zgjedhore. Sekretari i Përgjithshëm i PD-së, Gazement Bardhi i është përgjigjur ftesës duke thënë se ky komision nuk ka legjitimitet.
“Asnjë Komision që ka në përbërje dhe drejtim individë që duhet të ishin në burg për krime elektorale, nuk gëzon legjitimitetin për realizimin e Reformës Zgjedhore. Asnjë Komision që ka në përbërje dhe drejtim individë që nuk përfaqësojnë opozitën, nuk mund të përcaktojë rregullat për pjesëmarrje në zgjedhje të partive politike opozitare”, thekson Bardhi.
Komisioni i riformatuar i Reformës Zgjedhore do të mblidhet të martën e 7 Majit. Bashkëkryetar do të jenë Damian Gjiknuri për socialistët dhe Rudina Hajdarin si përfaqësuese e opozitës parlamentare.
Por shumica, ashtu siç propozoi Gjiknuri kërkon që në këtë komision të ketë një vend të posaçme në rolin e vëzhguesit dhe Partia Demokratike si forca e dytë më madhe në vend bazuar në rezultatet e zgjedhjeve të 2017.
Objekti i punës së Komisionit të Reformës Zgjedhore do të jete edhe kërkesa e opozitës së re në parlament për të ndryshuar sistemin zgjedhor, kërkesë kjo që i është drejtuar Partisë Demokratike edhe nga aleatët e saj./ Opinion.al
