Kreu i Partisë Demokratike, Lulzim Basha ka zhvilluar ditën e sotme një takim me mjekë dhe ekspertë të shëndetësisë.
Kryebashkiaku është shprehur se vetëm Shqipëria nuk jep informacion nëse në vend ka mutacione të COVID-19. Basha tha gjithashtu se po fshihen fakte dhe kjo vetëm për faktin që qeveria të fshehë keqmenaxhimin e pandemisë në një vit.
Ndër të tjera kreu i PD-sëu shpreh se qeveria në vend që të marrë masa dhe të sigurojë bazat mbrojtëse për këtë pandemi, ka dalë me “cirkun e tij” duke shëtitur për të parë se si bëhen shpimet e vaksinave. Ai tha se Tiranë është kthyer në një spital gjigant.
“Për fat të keq një nga paralajmërimet që erdhi mbi numrin mesatar të vdekjeve, janë më shumë se 6000 të cilët kanë humbur jetën. Një kontrast shumëfish më i lartë se sa shifrat që raportohen. Nuk ka asnjë informacion sa testime po bëhet nga ISHP e sa nga privati. Vetëm Shqipëria nuk jep informacion zyrtar nëse ka mutacion që qarkullon apo jo. Të gjithë vendet e tjera e kanë bërë. Kjo sepse prej 1 viti i vetmi prioritet i Ramës është propaganda dhe fshehja e shifrave, sepse atij nuk i interesojnë qytetarët.
Nuk ka vend tjetër që ka një kryeministër që bën cirk dhe shkon duke parë si bëhet vaksina, kur në fakt detyra e tij është të sigurojë bazën për shëndetësinë dhe infrastrukturën e duhur. Ne i kemi dhënë zë shqetësimeve të qytetarëve, fshehja e fakteve është bërë për të fshehur përgjegjësinë. As nuk i kemi kërkuar të marrë masat e vendeve perëndimore, por që të jetë e fundit në çdo aspekt me vendet fqinje nuk është thjeshtë neglizhencë dhe dështim, por krim. Ato 6 mijë vdekje shtesë nuk janë numra, por njerëz, janë nëna, baballarë, motra, boshllëqe të pariparueshme që ka sjellë menaxhimi monstruoz i pandemisë nga kjo qeveri.
Heroizmi i mjekëve shqiptarë është i pakrahasueshëm me askënd tjetër, kemi një qeveri që nuk çan kokën për mjekët dhe numrin e mjekëve e ka çuar në rekord, dhe të përpiqesh t’ja hedhësh fajin mjekëve është cinike, e pashpirt. Vetë bëri vaksinën me pretekstin ta provonte, sot do kishim një mjek më shumë të infektuar në vend që ta bënte ai vaksinën i pari. Shumica dërrmuese e shqiptarëve po zhyten në borxh për të kuruar të afërmit e tyre. Tirana është shndërruar në një spital gjigant”, tha Basha./Opinion.al
