Frymëzuar nga protestat globale për vdekjen e afrikano-amerikanit George Floyd, rreth 30,000 persona në Belgjikë kanë nënshkruar dy peticione për të hequr statujat e mbretit të epokës koloniale të vendit Leopold II, ushtria e të cilit shkatërroi Kongon në fund të viteve 1800.
Peticionet në internet, njëra prej të cilave u nis nga një djalë 14-vjeçar në aplikacionin Instagram, kërkojnë heqjen e monumenteve në të gjithë Brukselin dhe të një busti në qytetin Halle.
Peticioni i 14 vjeçarit në frëngjisht dhe hollandisht, në change.org, bën thirrje për heqjen e statujave deri në fund të qershorit, duke thënë se Leopoldi II nuk ka vend në Brukselin multikulturor.
Në qytetin belg të Gentit, një bust i Leopoldit II ishte i mbuluar me bojë të kuqe dhe në të ishtë shkruar ‘Unë nuk mund të marr frymë’, fjalë të thëna nga Floyd. Një statujë tjetër u vu në zjarr afër qytetit të Antwerp, njoftojnë media belge./Opinion.al
