Juliana Hoxha, sekretaria e përgjithshme e ministrisë së Drejtësisë është ndaluar të futet në ambientet e ministrisë. Ministri teknik Gazment Bardhi Bardhi i ka komunikuar pezullimin nga detyra Hoxhës, duke i kërkuar që të rikthehet në detyrë vetëm pas datës 26 qershor.
Ministria e Drejtësisë ka njoftuar policinë për nxjerrjen jashtë të Hoxhës. Ndërkohë Bardhi ka pezulluar të gjithë stafin e ministrisë që ka lejuar futjen në ambientet e institucionit të Juliana Hoxhës.
Përplasja Bardhi-Hoxhaj ka nisur pas kërkesës së ministrit për të pezulluar numrin dy të Drejtësisë, me pretendimin se ajo kandidon për deputete në zgjedhjet e 25 qershorit dhe përfshirjes në fushatën zgjedhore.
Ndërkohë, Departamenti i Administratës Publike rrëzoi pezullimin e Bardhit duke argumentuar se ministri ka tejkaluar kompetencat e tij.
Nga ana tjetër, ministri teknik i PD ka paralajmëruar se nuk do njohë autoritetin e DAP-it duke lënë në fuqi pezullimin për Sekretaren e Përgjithshme.
Foto nga rrjetet sociale: Juliana Hoxha
