Superfansat e Juventusit nga Brindizi, të kryesuar nga Ivan Centonze, e kanë festuar në mënyrë krejt të veçantë titullin e pestë radhazi kampion të skuadrës së tyre të zemrës. Ata kanë shfaqur nga një baner (flamur) për çdo ballkon të pallatit ku banojnë, me emrin e çdo lojtari të formacionit kampion të Italisë.
Vitin e kaluar, ky kryetifoz kishte pikturuar të gjitha kampionatet e fituara nga Juventusi në asfalt (rrugën e lagjes). Këtë vit, Ivan Centonze, tifoz i madh futbolli nga Brindizi, që mbështet Juven, e ka jetësuar festën e tij bardhezi disa hapa larg nga “Piazza Cairoli”, duke pasur edhe një foto historike si suvenir në “dollapët” e tij.
