Një aksident është regjistruar paraditen e sotme në kryeqytet.
Burime për Oninion.al, bëjnë me dije se aksidenti ka ndodhur në zonën e 21 dhjetorit, pranë Universitetit të Sporteve, në Tiranë.
Siç mund të shihet edhe në fotot e mëposhtme një automjet i tipit “Renault” ka goditur nga pas një “Benz”, duke shkaktuar dëme materiale.
Ndërsa policia informon se janë dërguar në spital 4 të rinj, të cilët janë jashtë rrezikut për jetë.
“Me datë 16.12.2021, rreth orës 11:00, në afërsi të “Universitetit të Sporteve”, janë përfshirë në një aksident mjeti me drejtues shtetasin G. K., me mjetin me drejtues shtetasin E. B.
Si pasojë e aksidentit janë dëmtuar pasagjerët e mjeteve, shtetasja E. P., 18 vjeçe; D. D., 19 vjeç; G. T., 19 vjeç dhe kembësorja shtetasja A. B., 19 vjeçe, të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit”-njofton policia./Opinion.al
