Aktualitet

Fotografoi votën në Vlorë, policia shpall në kërkim 54-vjeçarin


Bëhu pjesë e Grupit Zyrtar të Opinion.al
>> KËTU <<
               Publikuar në : 16:29 - 25/04/21 |
Opi Nion

Një tjetër rast i fotografimit të votës është regjistruar ditën e sotme teksa i gjithë vendi është duke votuar për të zgjedhur qeverinë e re.

Bëhet me dije se rasti është regjistruar në qytetin e Vlorës në qendrën e votimit Nr. 4498/1, e cila ndodhet në konviktin e shkollës Industriale “Pavarsia”.

Sipas policisë, rreth orës 13:18, është marrë njoftim nga Komisioni i Qendrës së Votimit Nr. 4498/1 pasi nga anëtarët e Komisionit është konstatuar një shtetas që po fotografonte votën e tij.

Policia e Vlorës për veprimin e kryer e ka shpallur në kërkim shtetasin të identifikuar me iniciale Sh. T. Njoftohet nga policia se pas regjistrimit dhe marrjes së fletës së votimit, qytetari dyshohet se ka fotografuar votën e tij dhe ky veprim është parë nga anëtarët e Komisionit, por ka mundur të largohej nga qendra e votimit.

54- vjeçari, akuzohet për veprën penale “Shkelja e fshehtësisë së votës”.

Më datë 25.04.2021, rreth orës 13:18, është marrë njoftim nga Komisioni i Qendës së Votimit Nr. 4498/1, e cila ndodhet në konviktin e shkollës Industriale “Pavarsia”, pasi nga anëtarët e Komisionit është konstatuar një shtetas që po fotografonte votën e tij.

Me vendimin Nr. 1 të datës 25.04.2021, të Qendrës së Votimit, është kërkuar ndihma e Policisë së Shtetit. Pas marrjes së vendimit, shërbimet e Policisë së DVP Vlorë kanë hyrë brenda qendrës dhe nga kryerja e veprimeve të para, shtetasi Sh. T., pas rregjistrimit dhe marrjes së fletës së votimit, dyshohet se ka fotografuar votën e tij dhe ky veprim është parë nga anëtarët e Komisionit, por ka mundur të largohej nga qendra e votimit.

Shtetasit SH. T. i është bllokuar fleta e votimit dhe në vijim të veprimeve nga specialistët e Seksionit për Hetimin e Krimit Ekonomik dhe Financiar në DVP Vlorë u bë shpallja në kërkim policor e shtetasit Sh. T., 54 vjeç, për veprën penale “Shkelja e fshehtësisë së votës”.’- njofton policia./Opinion.al

Pas