Belgjika i druhet atentateve terroriste në Bruksel ndaj për këtë e ka rritur nivelin e alarmit në 4 në kryeqytet ndërsa në zonat e tjera të vendit në 3. “Rritja e nivelit të alarmit është dashur për shkak të rrezikut të atentateve nga individë me armë dhe eksplozivë”, tha kryeministri belg Charles Michel, duke iu referuar të dhënave shumë të sakta. Objektivat e mundshëm janë qendrat tregtare, transporti publik dhe eventet me shumë persona. Kjo gjendje alarmi vihet re sot në të gjithë Brukselin ku janë anulluar koncertet si edhe pishinat dhe qendrat komerciale. Kryqyteti belg është blinduar. Po kështu rajoni i Brukselit ka vendosur të mbyllë qendrën simbol të qytetit “Atom” si edhe qendrën e vizitorëve në Parlamentin Europian. Katër linjat metropolitane të Brukselit do të mbeten të mbyllura. Po kështu edhe ndeshjet e dy kategorive më të mëdha të futbollit do të jenë të pezulluara.
Shkruaj nje koment
Për të postuar një koment, duhet të jeni i futur.
Paniku i krijuar po i ndihmon shume ISIS-it me rekrutime te disa myslimaneve Europiane qe mund ta kene menduar luften per jihad. Kjo per arsye se vete ju te medias po e paraqsni ISIS-in me te fuqishem se eshte. Kompanite e armeve bejne para sepse disa vendeve te Europes i duhet te shtojne armatimin e policise dhe ushtrise. Ndersa ju te medias po kenaqeni me material dhe me hipoteza sulmesh qe vine nga kudo. Po beni akoma me shume para si media sepse njerzit edhe pse nuk duan ti dine keto lloj lajme te frikshme, u duhet te rrine para televizorit ngaqe mendojne se po i mesoni osi ndihmoni si te mbijetojne. Por ju vazhdoni ta perdorni si nje “thriller” te Steven Spielberg. Ska gje se te gjithe duhet te hani po te pakten perdorni integritetin duke filtruar dhe edituar materialet qe ju vine.