Aldi Rama, 21-vjeçari që vrau oficerin e policisë Saimir Hoxha ka qenë një person me precedentë të mëparshëm penalë.
I riu autor i disa veprave penale shfaqet në rrjetet sociale me armë por edhe me tatuazhe në trup, që tregojnë se ka qenë një person problematik
Në një foto të siguruar nga opinion.al, duket që i riu ka shkruar në krah:“Nuk jam vrasës, por mos më nxisni”.
21-vjeçari ka qenë i dënuar më parë për prodhim dhe shitje të narkotikëve dhe mbajtje pa leje të armëve të ftohta.
Por sikurse u bë me dije mbrëmjen e djeshme në emisionin “Opinion” në vitin 2018 i riu kishte vjedhur telefonin të dashurës, e kishte detyruar të konsumonte lëndë narkotike dhe më pas kishte kryer marrëdhënie seksuale me të.
Aldi Rama pas krimit qëlloi veten me armë zjarri gjatë operacionit të ndjekjes së tij nga RENEA. I riu ndërroi jetë në spitalin e Traumës mëngjesin e sotëm.
