Aktualitet

FOTO/Sistemi spitalor,reagon Rama: Me çfarë kurajoje mohohet transformimi?


Bëhu pjesë e Grupit Zyrtar të Opinion.al
>> KËTU <<
               Publikuar në : 18:53 - 20/02/21 |
Semiljana Azizi

Kryeministri Edi Rama ka reaguar pasditen e sotme sërish për gjendjen e ambienteve spitalore dhe punën e bërë në sistemin e shëndetësisë gjatë qeverisjes së tij.

Nëpërmjet një statusi në Facebook, Rama tregon fotot e depos farmaceutike në QSUT 7 vite më parë dhe se si ajo është transformuar.

Sipas Ramës kush nuk e di nga është nisur nuk e di as se ku është e ku do të shkojë.

“Kush nuk e di nga është nisur, nuk e ka idenë ku është dhe as nuk ka shans të arrijë ku do, përkundrazi rrezikon të kthehet mbrapsht pa e kuptuar as vetë se si! Prandaj të jemi të pakënaqur me tëra problemet e mprehta që akoma ka shërbimi shëndetësor, por të jemi gjithashtu të bindur, se siç janë përmbysur realitete dramatike si kjo depo farmaceutike e plot të tjera, do të zgjidhen me radhë e me vullnet, punë, durim edhe problemet më të mprehta.”– shkruan ndër të tjera Rama.

Kryeministri Rama në Facebook:

Po mirë me çfarë kurajoje mund të mohohet sot transformimi si nata me ditën në vetëm 7 vjet i sistemit tonë spitalor🤭

Shikojeni se si ishte depoja farmaceutike e QSUT 7 vjet më parë, një magazinë e ububushme ku mbaheshin jashtë çdo standardi ilaçet e spitalit qendror të Shqipërisë dhe ja si është sot, një depo farmaceutike spitalore e standarteve europiane😊

Kush nuk e di nga është nisur, nuk e ka idenë ku është dhe as nuk ka shans të arrijë ku do, përkundrazi rrezikon të kthehet mbrapsht pa e kuptuar as vetë se si! Prandaj të jemi të pakënaqur me tëra problemet e mprehta që akoma ka shërbimi shëndetësor, por të jemi gjithashtu të bindur, se siç janë përmbysur realitete dramatike si kjo depo farmaceutike e plot të tjera, do të zgjidhen me radhë e me vullnet, punë, durim edhe problemet më të mprehta./Opinion.al

Pas