Kryeministri Edi Rama do të jetë sonte në mbrëmje në studion e emisionit italian “Porta a Porta” me gazetarin Bruno Vespa. “24 orë në Itali, për të shpëtuar Shqipërinë”, ka shkruar ai në Twitter pas largimit nga salla e Kuvendit.
Por Edi Rama ka qenë në të njëjtën studio 20 vite më parë në cilësinë e Ministrit të Kulturës, në maj të vitit 1999. Atëherë ishte në fillimet e tij në politikë dhe ishte ftuar në një panel në Rai Uno, në të njëjtën studio me Bruno Vespan për të folur mbi çështjen e Kosovës dhe bombardimin e NATO-s.
“Sonte me ne është Edi Rama, Kryeministër i Shqipërisë. Çfarë po ndodh në vend?”, shkruhet ndër të tjera në faqen zyrtare të emisionit në Facebook.
Rama do të jetë përballë një paneli të ftuarish ku do të flasë për situatën politike në vend. Në panelin e të ftuarve në emision është edhe drejtori sportiv i skuadrës së Lazios, Igli Tare, i cili ka deklaruar se çfarë po ndodh sot në Shqipëri është mjaft e rëndë për imazhin e popullit./ Opinion.al
https://www.facebook.com/RaiPortaaPorta/videos/296980737659066/
