Pamjet e trupave ruse që gjuanin një burrë me duart lart në një autostradë jashtë Kievit në fillim të marsit u shpërndanë në mbarë botën.
Tani që rusët janë dëbuar nga zona, mund të shihen pasojat e pushtimit të tyre.
BBC shkruan se në vështrim të kryer numëruan 13 trupa në një rrugë jo më shumë se 200 metra të gjatë, midis Mria dhe Myla, fshatra ukrainas.
Dy nga të vdekurit konfirmohen si civilë ukrainas që u vranë nga rusët. Të tjerët nuk janë identifikuar ende – ata ndodhen në vendin ku mbetën të vrarë- por vetëm dy janë të veshur me uniforma të njohura ushtarake ukrainase.
Ekipi i BBC-së ishte në gjendje të arrinte në zonë, në autostradën kryesore E-40 teksa i afrohej Kievit, sepse forcat ukrainase kishin nën kontroll zonën vetëm 10 orë më parë.
Shenjat e betejës dhe të bombardimeve të rënda ishin kudo. Pompat e benzinës dhe një hotel i njohur për restorantin e tij ishin rrënuar.
Të mbetur pas në një pamje tashmë shkretëtirë ishin trupat e pajetë dhe një mori pyetjesh dhe shqetësimesh se kush ishin dhe si vdiqën./Opinion.al
