Një ngjarje e pazakontë ka ndodhur ditën e sotme në futbollin e femrave.
Bëhet me dije se në ndeshjen mes Partizanit dhe Bilisht Sport, plot gjashtë lojtare të ekipit juglindor kanë pësuar gjendje të fikti. Ndërsa akoma nuk ishte mbyllur pjesa e parë, skuadra kryeqytetase kryesonte 5-0. Nuk ka vonuar shumë që delegati i ndeshjes, Endi Hyka, të jepte urdhër që të ndërpritej ndeshja.
Ndërkohë njoftohet se dy prej vajzave, të cilat ishin në gjendje më të rëndë, u dërguan menjëherë në spital. Panorama Sport shkruan se dyshohet që futbollistet ishin helmuar prej ushqimit./Opinion.al
