Teksa Mbreti Charles III ka mbërritur në Pallatin Buckingham në Londër, këto imazhe të publikuara nga BBC tregojnë turmat e njerëzve, të cilët janë mbledhur jashtë pallatit për të takuar mbretin e ri.
Imazhet e marra me helikopter tregojnë radhët e gjata të njerëzve përpara Pallatit Buckingham pak minuta më parë, ndërsa Mbreti Charles u takua me turmat.
Ai doli nga makina e tij dhe bëri disa metra rrugë përgjatë rreshtave të njerëzve, ndërsa iu ofrua një pritje e ngrohtë nga të pranishmit, të cilët i ofruan buqeta me lule dhe madje disa edhe e përqafuan.
Ndërkohë BBC shkruan se Charles dhe Camilla kanë hyrë për herë të parë në Pallatin Buckingham si Mbret dhe Mbretëreshë.
