Një 36-vjeçar shqiptar është gjetur i pajetë mëngjesin e të dielës në burgun e Agias në Hania. Sipas mediave greke i burgosuri shqiptar u gjet i pajetë në qelinë e tij.
Shkaqet për vdekjen e të riut shqiptar ende nuk janë bërë të ditura, por sipas informacioneve të para dyshohet se vdekja ka ardhur si pasojë e shkaqeve patologjike.
Ndërkohë lajmin e ka konfirmuar edhe komuniteti shqiptar në Hania, e cili ka zbuluar se viktima është Aleksandër Llazari 36 vjeç, nga Lezha.
Ndërkohë policia ka nisur hetimet për ngjarjen, ndërsa trupi i pajetë i shqiptarit është dërguar në spitalin e Hanias ku po i nënshtrohet ekspertizës mjekoligjore./ Opinion.al
