Kryesore

Tërmeti/ Rama kërkon sërish bashkëpunim me Bashën


               Publikuar në : 16:19 - 08/12/19 |
Geljano Fataj

Kryeministri Edi Rama ka kërkuar sërish dialog me opozitën, sa i përket situatës së tërmetit. Në një postim në rrjetin social Tëitter, shefi i qeverisë thotë se platforma e PD- së për bizneset për të kaluar situatën past-tërmetit përkon me platformën e qeverisjes, teksa i ka bërë thirrje sërish për t’u ulur në tryezë.

“Lulzim Basha një pjesë e sugjerimeve të publikuara lidhur me bizneset e dëmtuara në Durrës, përkojnë me propozimet e hartuara nga kryetari i Komitetit Kombëtar të Rindërtimit & Ministrja e Financave. Por vazhdoj të them se refuzimi i tryezës së përbashkët është gabim i madh”, shkruan Rama.

Një ditë më parë kryedemokrati Lulzim Basha takoi disa sipërmarrës, të cilët i treguan se po vuajnë mungesën e forcës punëtore që ende nuk është kthyer në qytet. Basha, propozoi në emër të opozitës së bashkuar edhe 5 masa lehtësuese për biznesin.

Me pikën e parë, PD kërkon “përjashtim nga taksa e pronës dhe nga të gjitha taksat dhe tarifat vendore gjatë periudhës së rindërtimit për të gjithë operatorët ekonomikë me aktivitet në zonat e prekura”, ndërkohë që me pikën 2 kërkohet përjashtimi nga tatim fitimi “për të gjitha subjektet që e ri-investojnë fitimin për të rikuperuar dëmet e tërmetit”.

Pika 3 ka të bëj me “pezullimin e kontributeve të sigurimeve shoqërore dhe shëndetësore deri në rikuperimin e dëmeve”, ndërkohë pika 4 kërkon “përjashtimin nga tvsh për të gjitha materialet, lëndët e para, mjetet kapitale që përdoren për rikuperimin e dëmeve”.

Së fundmi, opozita kërkon edhe “pezullimin dhe fshirjen e pagesave të faturave të energjisë dhe të ujit gjatë kohës së gjendjes së fatkeqësisë natyrore”./ Opinion.al

Pas