Mario Metaj është i riu shqiptar që u ekzekutua me armë mbrëmjen e djeshme në qytetin e Patras në Greqi.
Mediat greke raportojnë se 27-vjeçari po udhëtonte me makinë në kohën kur u qëllua me armë në një kryqëzim rrugësh. I riu u dërgua me ugjencë në spital, por për shkak të plagëve të marra ka humbur jetën.
Sipas mediave greke, shqiptari Mario Metaj ishte person mjaft i njohur në qytet, sidomos me të rinjtë. 27-vjeçari kishte një rreth të madh shoqëror dhe prej një kohe të gjatë punonte në fushën e hotelerisë.
Ndërkohë, policia greke po vijon hetimet për identifikimin e autorëve dhe zbardhjen e shkaqeve të ngjarjes së rëndë.
