Ish-kryetari i Bashkisë së Vlorës dhe ish-presidenti i Flamurtarit, Shpëtim Gjika, ka reaguar me një status në profilin e tij në Facebook, duke iu kundërpërgjigjur akuzave të presidentit aktual të Flamurtarit, Sinan Idrizit. Ky i fundit tha se me ish-trajnerin Ernest Gjoka, administrata e mëparshme e klubit ka lidhur kontratë fiktive, ndaj dhe refuzonte ta paguante.
Megjithatë, Gjika në statusin e tij i është shmangur totalisht çështjes së kontratës së Gjokës, duke folur në lidhje me kontratat e 3 futbollistëve: Veliu, Sakaj dhe Arbri. Ish-presidenti ka postuar foto të kontratës së Polizoi Arbrit dhe vendimit të kalimit të klubit nën administrimin e Sinan Idrizit. Në këtë mënyrë, Gjika vërteton se borxhi ndaj 3 futbollistëve i takon presidentit aktual të klubit, ndaj i kërkon atij që të mos vazhdojë më me mashtrime.
Por problemi te statusi i Gjikës është se Sinan Idrizi nuk e ka mohuar asnjëherë që kontratat me 3 futbollistët e lartpërmendur të mos jenë firmosur nga ai. Në të kundërt, presidenti i Flamurtarit ka sqaruar se pjesa e parave që pretendojnë futbollistët janë tatime të paguara në shtet. Akuzat e Idrizit kanë të bëjnë me kontratën e ish-trajnerit Gjoka, e cila është firmosur nga Shpëtim Gjika. Dhe për këtë pjesë, ish-kryetari i Bashkisë së Vlorës nuk ka sqaruar asgjë.
Statusi i Shpëtim Gjikës
Statusi i Gjikës në Facebook
“Te dashur miq dhe dashamires te Flamurtarit!
Duke qene se ekipi yne, simbol dhe aset i qytetit te Vlores po perpelitet ne agoni, (per fat te keq te pa shprese per sa kohe “derdellit e birbilos” z.Idrizi), nisur dhe nga “informacionet” e tij, te percjella nga Turqia e larget, per momentin do deshiroja te sqaroja dhe te beja publike me fakte, dokumentat ne fotot me poshte!
Dokumenta zyrtare, me firme dhe me vule institucionesh legjitime shqiptare, te cilat, per kedo qe ende ka ndonje fije besimi te ato cka “derdellit e birbilos” z.Idrizi, hedhin drite dhe qartesojne gjithcka!
Se pari, kontrata e Arbrit qe po publikoj, (identike me te jane dhe kontratat e Sakajt dhe Veliut), datojne 15 gusht 2014!
Kontrata e Polizoi Arbrit
Vendimi i Keshillit Bashkiak te Vlores, vendim te cilin e shihni ne foto, daton me 31 korrik 2014!
Vendimi i kalimit të Flamurtarit nën administrimin e Sinan Idrizit
Vendim, i cili e ben z.Idrizi, de facto dhe de jure, administrator te klubit te futbollit Flamurtari!
Pra keto kontrata jane hartuar, jane firmosur, jane noterizuar dhe me pas jane depozituar ne institucionet kompetente, 15 dite pasi z.Idrizi mori ne administrim klubin Flamurtari!
Tani me thoni te dashur miq te mi dhe te Flamurtarit:
A mund te vazhdoje “te derdellit e birbilos”, madje me troc, a mund te vazhdoje te mashtroje akoma ky njeri?!”
/panoramasport
