Për çiftin e njohur të showbizit shqiptar Bes Kallaku dhe Xhensila Myrtezaj dita e sotme është e veçantë, pasi e vogla e tyre Ajka feston ditëlindjen e parë.
Për herë të parë që pas lindjes së saj ata kanë publikuar foto nga momenti i parë kur e vogla ka ardhur në jetë. Besi dhe Xhensila i kanë dedikuar vajzës së tyre fjalët më të ndjera krahas fotove të publikuara.
“O Ajka e jetës, urime ditëlindjen tënde të parë. Unë nuk do të të shkruaj shumë gjatë sepse mami yt ka 3 ditë që po shkruan urimin për ty edhe akoma nuk e ka mbaruar. Ç’ti bëjmë qaramanes? Ekziston një forcë aq e madhe tërheqjeje në botë që quhet ‘DASHURI’. U rritsh me dashuri edhe dhënç vetëm dashuri.
Lutu gjithmonë që të kesh sy që shohin më të mirën tek të tjerët. Të kesh zemër që fal më të keqen, një mendje që e harron të keqen. Dhe një shpirt që nuk e humbet kurrë besimin e Zotit. Ne po të mësojmë si të ecësh vetë, si bën qeni apo macja, të thuash “Besi” edhe “Xhensila” (këtë mezi e shqiptojnë edhe të rriturit në fakt).
Por sa po mësojmë edhe ne nga ty, dhe sa po rritemi edhe ne prej teje. Ta dish që të dua aq shumë sa kam mesuar çdo këngë fëmijësh përmendësh nga “Johny Johny Yes Papa” e deri tek “Baby Shark” Ajka, o lul’e bukur e gjakut tim,”-ka shkruar Besi.
Ndërkohë Xhensila ka publikuar edhe më shumë imazhe nga përditshmëria e të voglës, ndërkohë që ka shkruar:
“Për nektarin e jetës time, bija ime, mbrëmë e kisha të pamundur të flija, e mezi prisja të hapje sytë e ëmbël. E ndjej akoma aromen dhe faqet e ngrohta të tuat kur të sollen tek unë. Ma ngrohën shpirtin si askush më parë në jetë, ndjesia hyjnore. Ditëlindja jote, dita më e bukur e jetës time. Lutja ime, me ty njoha edhe më shume Zotin, kuptova se sa shumë dashuri dhe dhembshuri ndjen ai për ne. Ti solle lutjen, Lutem për ty sa hap sytë, e gjumi me zë duke falenderuar Zotin për mrekulline që na solli në jetën . Nuk të dhuruam ne jetën, ti na dhe botën. Ne te dyja kemi qëndruar 24 orë bashkë, kemi qeshur, kemi kërcyer, kemi qarë të dyja kur ti ke bërë vaksinat, kur te dhimbte barku, e tani që po të dalin kicat(dhëmbët), kemi eksploruar botën bashkë përreth, nuk po mëson ti nga unë, unë po mësoj nga ty, po e shoh botën vetëm nga sytë e tu, dhe e di sa shumë ngjyra, pasterti, gëzim, po shohin sytë e mi tani? Na presin dhe shumë vite për të mësuar nga njëra- tjetra, shoqja, motra, bija ime. Ne ja dolëm zonjushë Ajka, të përjetojmë më të bukurin vit me plot sfida, e mësime. Ti ke fuqinë, ti më ndryshove mua dhe jetën time përgjithonë. Mos e harro kurrë, kurrë mos ndjej frikë, kur ti të kalosh përmes ujërave mami do jetë me ty. Në fillim unë dhe babi kishim njeri-tjetrin, tani kemi gjithçka. Ajka ëndrra jonë e bërë realitet,”-përfundon Xhensila./Opinion.al/
