TIRANE- Opozita është larguar nga salla e parlamentit pasi ka mbajtur fjalën lideri historik Berisha. Ndërkohë Kryeministri Edi Rama teksa mori fjalën e nisi pikërisht me këtë “protestë” të opozitës.
“Nuk ka sesi të mos ndodhemi dhe para situatash të tilla ku qeveria e vjetër ikën e nuk e shpjegon dot pse ikën, s’ka problem ne e vazhdojmë seancën si asamble të zgjeruar të së majtës së bashkuar, për problemet dhe sfidat reale dhe mbi të gjitha për t’u fokusuar te objektivat dhe për të mos u marrë me Saliun dhe faktet e tij të fabrikuara”, tha Rama.
Sipas Ramës, një gjë është e qartë, ata ikin se në këtë Kuvend dhe në anën e majtë të tij, nuk ka asnjë person me rekorde kriminale. “Ata ikin se ligji më ekstrem unikal në planet i kaluar edhe me bekimin tonë për të ashtuquajturin dekriminalizim të kuvendit dhe politikës nuk arrin dot të zbulojë asgjë. Dhe edhe gjithë seanca absurde 48 orë marrëzi, negociata të mbyllura e rihapura 6 herë për ta cuar në ekstrem një formular qesharak ishte shprehja e dëshpërimit për faktin se ata 19 kriminelët që do kapeshin nga ky proces ishin pjellë e fantazisë së një propagande të shthurur që prodhon fakte të rreme cdo ditë” tha ai.
