Mjeku Edvin Prifti ka deklaruar gjatë seancës së sotem gjyqësore se nuk ka fshehur asgjë pasi ka punuar në Itali dhe se të ardhurat e tij, kanë qenë shumë të mira.
“Kam mbaruar me medalje ari, specializim në Siena dhe La Sapienca diplomimin si specialist në kardiokirurgji, punova në San Kamilo, doktoraturë La Sapienca, kam pasur të ardhura shumë të mira në Itali”, është shprehur Prifti në sallën e gjyqit.
Ndër të tjera ai tha se është kthyer në Shqipëri në 2006, në kohën kur njerëzit operoheshin jashtë dhe ngriti besimin e pacientëve duke drejtuar kardio-kirurgjinë.
“Jam kthyer në 2006 , njerëzit operoheshin jashtë. Unë ngrita besimin, duke drejtuar kardio-kirurgjinë dhe shqiptarët po operohen në Tiranë. Jam denoncuesi i parë i Covid-it. Gjithmonë do them të vërtetën. S’kam fshehur asnjë gjë. Punoj privat dhe shtet. U befasova nga Prokuroria që kërkoi burg, kam operuar mijëra shqiptarë”, tha ai.
